اسٹاک ٹریڈنگ کیا ہے نیز CFDs ٹریڈ کرنے کا طریقہ جانیں

یہ سمجھنا کہ اسٹاک ٹریڈنگ کیا ہے نیز اسٹاکس ٹریڈ کرنے کا طریقہ جاننا اسٹاک مارکیٹ کی متحرک دنیا میں قدم رکھنے کے خواہشمند افراد کیلئے بنیادی مرحلے کی حیثیت رکھتا ہے۔ ہر سال ٹریڈر بننے کے خواہشمند لاکھوں نئے افراد ٹریڈنگ کی دنیا میں چھلانگ لگاتے ہیں لیکن ان میں سے کئی معلومات اور رہنمائی نہ ہونے کی وجہ سے اپنی تجارتی استعداد کو سمجھنے میں ناکام ہو جاتے ہیں۔ تاہم، وہ افراد جو ضروری صلاحیتیں پیدا کرنے کی خاطر وقت لگانے کیلئے تیار ہوں، خود کو مارکیٹس نیویگیٹ کرنے اور اپنی کامیابی کے امکانات کو بہتر بنانے کیلئے بہتر طور پر تیار پا سکتے ہیں۔

اسٹاک ٹریڈنگ آسان نہیں اور اس کیلئے اسمارٹ پلان اور فنانشیل مارکیٹس کے اندر حرکات کی اسٹریٹیجک سمجھ بوجھ درکار ہے۔ فوری رقم کمانے کی اسکیمز اور خود ساختہ گرو حضرات کے وعدوں کی طرف جانے کی بجائے مضبوط معلوماتی بنیاد بنانا اور اعتماد و انسائٹ کے ساتھ ٹریڈ کرنے کی صلاحیت پیدا کرنا اہم ہے۔ 

یہ گائیڈ اسٹاکس ٹریڈ کرنے اور شیئرز خریدنے کے درمیان فرق، اسٹاک ٹریڈنگ کے طریقہ کار نیز باخبر فیصلے لینے کیلئے آپ کو بااختیار بنانے والے ٹولز اور حکمت عملیوں جیسے اہم موضوعات پر بات کر کے اس پراسیس کے الجھن انگیز حصوں کو واضح کرنے کی غرض سے بنائی گئی ہے۔ 

CFD اسٹاک ٹریڈنگ کیا ہے؟

بنیادی طور پر، CFD (فرق کے معاہدے) کی اسٹاک ٹریڈنگ میں بنیادی اثاثوں کی ملکیت حاصل کیے بغیر اسٹاکس کی کارکردگی کی عکاسی کرنے والے معاہدوں کی خرید و فروخت کی جاتی ہے۔ اس قسم کی ٹریڈنگ آن لائن بروکریج کے ذریعے انجام دی جاتی ہے، اس میں اسٹاکس کی آئندہ قیمت کی حرکات کے بارے میں قیاس آرائی کے لحاظ سے CFDs کی خرید و فروخت کی جاتی ہے۔ روایتی اسٹاک ٹریڈنگ کی برعکس، جس میں اسٹاک ایکسچینج کے ذریعے شیئرز کی خرید و فروخت کی جاتی ہے، CFD ٹریڈنگ پوزیشنز سے فوری اینٹری اور ایگزٹ کی سہولت دیتی ہے جو چڑھتی اور گرتی دونوں مارکیٹس سے فائدہ اٹھانے کی لچک فراہم کرتا ہے۔

CFD اسٹاک ٹریڈنگ کرنے کیلئے، سب سے پہلے CFD سروسز آفر کرنے والی فرم کے ساتھ بروکریج اکاؤنٹ کھولنا ضروری ہے۔ اکاؤنٹ سیٹ اپ ہونے کے بعد، ٹریڈرز کئی مختلف کمپنی اسٹاکس پر CFDs کی خرید و فروخت کر سکتے ہیں اور مارکیٹ کے اتار چڑھاؤ سے فائدہ اٹھانے کی کوشش کر سکتے ہیں۔ یہ تجارتی حکمت عملی بالخصوص مختصر مدتی منافع کے متلاشی ٹریڈرز کیلئے پُرکشش ہے جو انہیں اپنی پوزیشنز کو لیوریج کرنے اور اپنے منافع کو ممکنہ طور پر بڑھانے کی سہولت دیتی ہے۔ تاہم، یہ نوٹ کرنا اہم ہے کہ لیوریج میں اضافہ زیادہ نقصانات کے خطرے میں بھی اضافہ کرتا ہے لہذا CFD ٹریڈرز کیلئے مارکیٹ کو سمجھنا اور خطرے کا نظم کرنا اہم ہے۔

CFD اسٹاک ٹریڈنگ کیلئے ٹریڈنگ اسٹائلز

CFD اسٹاکس کی ٹریڈنگ کرتے وقت، مختلف ٹریڈنگ اسٹائلز کو سمجھنا انتہائی اہم ہے۔ ہر اسٹائل مارکیٹ انگیجمنٹ کی مختلف سطح کا تقاضا کرتا ہے اور مختلف خطرے کی بھوک اور طرز زندگی کی ضروریات کے ساتھ موافقت پیش کرتا ہے۔ چاہے آپ فوری ٹریڈز کرنے کے متلاشی ہوں یا پھر طویل مدت کیلئے سرمایہ کاری کرنے کے، یہ پہچاننا لازمی ہے کہ کون سا طریقہ آپ کے فنانشیل اہداف کے لیے موافق ہے نیز آپ مارکیٹ کو کتنا وقت دے سکتے ہیں۔ آئیں CFD اسٹاک ٹریڈنگ کے تین نمایاں اسٹائلز جانتے ہیں: پوزیشن ٹریڈنگ، سوئنگ ٹریڈنگ اور ڈے ٹریڈنگ۔

اسٹاکس کیلئے پوزیشن ٹریڈنگ

پوزیشن ٹریڈنگ طویل مدتی اسٹرٹیجسٹس کیلئے ہوتی ہے جو مہینوں یا پھر سالوں کیلئے بھی مارکیٹ کی لہروں پر سوار رہنے کو ترجیح دیتے ہیں۔ اس طریقہ کار میں طویل مدتی ٹرینڈز سے فائدہ اٹھانے کے ہدف کے ساتھ اسٹاکس کی خرید و فروخت شامل ہے۔ پوزیشن ٹریڈر کے طور پر، آپ کی توجہ مختصر مدتی اتار چڑھاؤ کی بجائے وقت کے ساتھ خاطر خواہ فائدہ مندی کی استعداد پر ہوتی ہے۔ یہ طویل مدتی حکمت عملی آپ کو مارکیٹ ٹرینڈز کے وسیع منظر کے ساتھ کمپنی کی مبادیات کو ملا کر جامع تجزیے کی بنیاد پر ٹریڈز لینے کی سہولت دیتی ہے۔ یہ اسٹائل طویل مدتی سوچ رکھنے والوں نیز مارکیٹ میں ٹریڈ کرنے کیلئے زیادہ وقت اسکرین کے آگے نہ بیٹھنے کو ترجیح دینے والوں کیلئے موزوں ہے۔

اسٹاکس کیلئے سوئنگ ٹریڈنگ

سوئنگ ٹریڈنگ چند دن سے لے کر چند ہفتے یا ماہ پر مشتمل عرصے کے دوران مارکیٹ میں فوائد کیپچر کرنے کے متلاشی افراد کیلئے ایک لچکدار اسٹائل ہے۔ اس میں مختصر تا متوسط مدتی قیمت کی حرکات کا فائدہ اٹھانے کیلئے اسٹاکس کی خرید و فروخت شامل ہے۔ سوئنگ ٹریڈرز کو مارکیٹ میں نسبتاً زیادہ فعال طور پر شریک رہنا پڑتا ہے کیونکہ اس حکمت عملی میں کم قیمت پر خریدنے اور زیادہ پر فروخت کرنے کیلئے جاری ٹرینڈز کی مانیٹرنگ کی ضرورت ہوتی ہے۔ جبکہ ڈے ٹریڈنگ کے مقابلے میں یہ اسٹائل لگاتار کم توجہ کا تقاضا کرتا ہے، سوئنگ ٹریڈنگ کیلئے بہرحال مارکیٹ ڈائنامکس پر اچھی گرفت نیز موقع سامنے آنے پر تیزی سے قدم اٹھانے کی صلاحیت درکار ہوتی ہے۔

اسٹاکس کیلئے ڈے ٹریڈنگ

ڈے ٹریڈنگ سب سے فعال ٹریڈنگ اسٹائل ہے نیز ہر ایک کیلئے نہیں ہے بالخصوص اگر آپ خطرہ مول لینا پسند نہ کرتے ہوں یا مارکیٹ کے مسلسل تجزیے کیلئے وقت وقف نہ کر سکتے ہوں۔ اس میں ایک ہی ٹریڈنگ دن میں اسٹاکس کی خرید و فروخت کی جاتی ہے اور قیمت کی چھوٹی حرکات سے فائدہ اٹھایا جاتا ہے۔ ڈے ٹریڈرز کو چاہیے کہ مارکیٹ پر مستقل نظر رکھیں کیونکہ اس تیز رفتار اسٹائل میں فوری فیصلے لیے جاتے ہیں اور اس میں تجارتی اوقات کے دوران خاطر خواہ وقت دینا پڑتا ہے۔ اگرچہ یہ اسٹائل منافع بخش ثابت ہو سکتا ہے، یہ زیادہ تناؤ رکھنے والا اسٹائل ہے اور بہتر یہی ہے کہ اس اسٹائل کو وہی افراد اپنائیں جو تیز رفتار ماحول میں اچھی کارکردگی کا مظاہرہ کرتے ہیں اور وابستہ خطرات کا نظم کر سکتے ہیں۔

CFD ٹریڈنگ اور اسٹاکس میں سرمایہ کاری کرنے کے درمیان فرق

CFD ٹریڈنگ اور اسٹاکس میں سرمایہ کاری کرنے کے درمیان فرق بنیادی طور اسٹاکس ہینڈل کرتے وقت حکمت عملیوں اور ٹائم فریمز میں مضمر ہوتا ہے۔ جب آپ CFDs ٹریڈ کرتے ہیں تو آپ زیادہ تر شیئرز (اسٹاکس) کی ملکیت حاصل کیے بغیر اس کی قیمت کی حرکات کا فائدہ اٹھانے والی مختصر مدتی ٹرانزیکشنز انجام دے رہے ہوتے ہیں۔ درحقیقت، CFD ٹریڈنگ میں اسٹاک کی قیمت میں اتار چڑھاؤ کی عکاسی کرنے والے معاہدوں کی خرید و فروکت کی جاتی ہے جو ٹریڈرز کو اس بارے میں قیاس آرائی کرنے کی سہولت دیتی ہے کہ آیا ان اسٹاکس کی قیمت بڑھے گی یا گرے گی۔ ٹریڈنگ کی یہ ڈیریویٹو صورت شرکاء کو شیئرز کی خرید و فروخت کے قابل بناتی ہے، عموماً مختصر مدت کیلئے، یہ اکثر لیوریج سے فائدہ اٹھاتے ہیں جو منافع اور نقصان دونوں کو بڑھا سکتی ہے۔

دوسری طرف، اسٹاکس میں سرمایہ کاری عموماً ایک طویل مدتی حکمت عملی ہے جس میں سرمایہ کار شیئرز کو طویل عرصے تک ہولڈ رکھنے کے ارادے کے ساتھ خریدتا ہے اور اس کا ہدف یہ ہوتا ہے کہ کمپنی کی کامیابی کے ساتھ ساتھ اس کی سرمایہ کاری کی قدر بھی بڑھتی جائے گی۔ اسٹاکس کی ٹریڈنگ میں اسٹاک ایکسچینجز جیسے نیو یارک اسٹاک ایکسچینج کے ذریعے شیئرز خریدنا شامل ہے، اس امید پر کہ اسٹاک کی قیمت میں وقت کے ساتھ اضافہ ہوگا اور مستقبل میں فروخت کرنے پر منافع حاصل ہوگا۔ CFDs کی برعکس، اسٹاک میں سرمایہ کاری سرمایہ کار کو کمپنی کے کچھ حصے کی ملکیت فراہم کرتی ہے جو اکثر انہیں ڈیویڈنڈز کا حقدار بناتا ہے اور کبھی کبھار ووٹنگ کے حقوق بھی فراہم کرتا ہے۔ نئے افراد کیلئے، اسٹاکس میں سرمایہ کاری زیادہ آسان معلوم ہو سکتی ہے کیونکہ اس میں CFD ٹریڈںگ سے وابستہ زیادہ پیچیدہ، مختصر مدتی قیاس آرائی کی بجائے براہ راست کمپنی کے کچھ حصے کی ملکیت حاصل کرنا اور شیئرز کی قدر میں بتدریج اضافے کا انتظار کرنا شامل ہے۔